אט איז וואס כהאב אפגעשריבן עטליכע טעג איידער עס איז ערשינען די נייע בוך פון סערע פעילין
עעעעעעענדליך קומט מען שוין אן צום פריידיגן מאמענט, מען האלט שוין נאוועמבער 16 למספרם, בלויז איין קורצע טאג טיילט אפ צווישן אונז און דער ערשיינונג פונעם נייעם בוך, ארויסגעגעבן דורך סערע פעילין, די וויצע פרעזידענט קאנדידאטקע, וואו זי וועט אויפדעקן אז אפילו עס זענען געווען מיליאנען אמעריקאנער וועלכע האבן יא געקלערט אז זי איז פאסיג צו דינען אלס וויצע פרעזידענט, זענען זיי דאך נישט געווען גערעכט און זי איז טאקע נישט פאסיג פאר דער אמט... אקעי גענוג שפאס, דער בוך וועט אויפדעקן מער דעטאלן איבער דער גאנצער קאמפיין פון יארע 2008, וויאזוי די מידיא האט איר אראפגעריסן, וויאזוי דער מעקעין לאגער האט איר נישט געהעריג געלאזט זיך אויסברייטערן און זיך לאזן מער הערן און אזוי ווייטער.
ראש לימבאו קען שוין קוים ווארטן, שאן הענעטי האט געמאכט א שבועה נישט צו טרינקען קאווע ביז עס וועט זיין פארקויפט 4 מיליאן שטיקלעך דערפון, גלען בעק האט געשוואוירן נישט צו לאזן קיין איין פעידזש פונעם בוך אנע טרערן דערויף, קורטיס סליווא וועט נוצן דער בוך אנשטאט די "רעדבול" וואס ער טרינקט יעדע נאכט זיך צו קענען האלטן אויף, ביז אום האלבער נאכט, ווען ער ענדיגט פרעדיגן צום מיקראפאון...
אויב קריגט איר אימעילס פון קאנסערוואטיווע וועבזייטלעך, האט איר זיך שוין מן הסתם באגעגנט מיט אומצאליגע "אפפערס" וויאזוי איר קענט קריגן דער בוך פאר אומזיסט, בלויז דורכן זיך אויפסיינען פאר געוויסע קאנסערוואטיווע פראגע בויגנס וואס איר ווערט געבעטן אויסצופילן (וואס דאס איז די זעלבע טאקטיק וואס די רעכטע האבן געניצט צו פארקויפן מיליאנען שטיקלעך פונעם בוך "אבאמאנעישאן" וועלכע איז ארויסגעקומען קעגן פרעזידענט אבאמא אינעם קאמפיין).
אלנפאלס, גענוג מיט די שפאס, ווייל וואס פעלט זיך אויס צו טרייבן שפאס פונעם בוך און פון אלעס ארום, ווען דער עצם בוך וועט זיין די גרעסטע שפאס וואס פעילין האט נאר אמאל געברענגט אויף זיך אליינס! דער בוך, לויט די וועלכע האבן שוין געקריגן פון פאראויס עטליכע קאפיטלען, וועט בלויז זיין א אינטערעסאנטער פארזעצונג און המשך אויפצוקלערן די אמעריקאנער בירגער אז סערע פעילין האט אין בעסטן פאל די קוואליפיקאציעס צו אויסשטייגן א ראדיא טאלק שאו האוסט, גענוי ווי די אלע וועלכע האבן געפרעדיגט פאר אירס וועגן.
לאמיר עטוואס אריינגיין אין די דעטאלן וואס איז שוין עוועילעבל פארן פובליק איבערן בוך:
ערשטנס, דער נאמען פונעם בוך:
גייענדיג אליינס
"אן אמעריקאנער לעבן"
לויט פארשידענע קוועלער הערט מען אז די פעילין פאמיליע איז זעלטן ארויסגעפארן פון די סטעיט אלאסקע, אפילו אויף וואקאציעס פארן זיי נאר פון איין עק אלאסקע צו אן אנדערן עק, זעלטן וואס זיי פארן ארויס פון אלאסקע אויף וואקאציעס. טא, וואס האט דער געשיכטע פון סערע פעילין מיט "אן אמעריקאנער לעבן", ווען זי האט בלויז באזוכט טעקסאס און אנדערע אריגינעלע אמעריקאנער סטעיטס בשעת ווען זי איז ארומגעפארן קאמפיינען פאר מעקעין???
ווער עס ווייסט עטוואס היסטאריע, איז אלאסקע פון אייביג אן נישט געווען אזוי פריינטליך צום געדאנק פון די "פאראייניגטע שטאטן", עס זענען נאך ביזן היינטיגן טאג פאראן גרופעס וועלכע זענען פארנומען מיט אקטיוויטעטן אז אלאסקע זאל זיך עווענטועל אפטיילן פון די איבריגע שטאטן און ווערן א זעלבסטשטענדיגע לאנד (דורכאויס דער קאמפיין זענען געווען ערנסטע באשולדיגקונגען אז איר מאן איז נאנט פארבינדן מיט איין אזא גרופע). גרויסע פאעטיקער און וויסנשאפטלער אין אלאסקע באניצן זיך כסדר מיט אזעלכע אויסדרוקן ווי "אלאסקע, מיין היימלאנד" וכו'
צווייטנס, ווער איז דער שרייבער
אויפן דעקל שטייט געשריבן "סערע פעילין,
דאס איז זיכער, און קיינער לייקנט עס נישט, אז זי האט דער בוך נישט געשריבן אליינס, אזוי ווי א ריזן טייל פאליטישאנס און אנדערע פאפולערע פיגורס וועלכע פובליצירן מעמוארן נעמען אויף שרייבערס, האט פעילין אויך גענומען א שרייבער פארן בוך, מיטן נאמען ליאן ווינסענט, אבער זיין נאמען פיגורירט נישט אויפן בוך, טראץ וואס ביי אזעלכע פעלער שרייבט מען ביידע נעמען אויפן דעקל!
אבאמא איז געווען פון די הויפטן פונעם צייטונג אינעם קאלעדזש וואו ער האט געלערנט אין זיינע יונגע יארן, דער ביכל "אודעסעטי אוו האופ" האט ער ארויסגעגעבן נאך זייענדיג א בלויזער סענאטאר, נישט א פרעזידענטליכער קאנדידאט. און ר' יודל טו מיר א טובה און זאג מיר נישט אז דו ווייסט נישט אז אבאמא שרייבט אליינס די עדיטאריעלס און אפ-עדס וועלכע ער לייגט יעדע שטיקל צייט אינעם "וואשינגטאן פאוסט" און אין "ניו יארק טיימס"
דריטנס, פעילינס אבסעסיע מיט די "קעיטי קוריק אינטערוויו":
דורכאויס דער בוך איז פעילין פארנומען ארויסצוברענגען אז זי האט ארויסגענומען פון די פראגעס וואס די סי בי עס אנקאר האט איר געפרעגט, אז זי –קעיטי קוריק- ליידט אויף א נידריגן "סעלף-עסטיעם".
ווער עס האט נאר אביסעלע מיטגעהאלטן דער 08' קאמפיין, און ווי עס זאגן קלאר די וועלכע זענען נאנט מיט איר פון אלאסקע, האט קלאר געזען אז פעילין איז די וועלכע האט אייביג געוויזן א שוואכן סעלף-עסטיעם, אפילו ווען זי איז ארויף אויפן פאדיום און געהעצט דעם פובליק קעגן אבאמא מיט לעכערליכע סטעיטמענט, ווער רעדט נאך ביי אט דער אינטערוויו, וואו זי האט נישט געוואוסט צו ענטפערן אויף די פשוט'סטע פראגעס, צי אפריקע איז א קאנטינענט אדער א לאנד, וואו זי האט געזאגט אז זי האט אויסערן פאליטיק ערפארונג ווייל זי קען זען רוסלאנד פון איר הויז אין אלאסקע און וואו זי האט נישט געוואוסט צו ענטפערן וועלכע מאגאזינען און צייטונגען זי ליינט (ווייל די ריכטיגע פראגע איז געווען: צי ליינסטו ביכער, צייטונגען אדער מאגאזינען?...)
פערטנס: געלטער לגיונות
אינעם בוך שרייבט פעילין אז דער מעקעין קאמפיין האט איר געצווינגען צו באצאלן 50 טויזנט דאלער צוליב וואס עס האט זיי אפגעקאסט די "וועטינג פראצעס" (די גאנצע פראצעדור וויאזוי מען זיצט מיט אדוואקאטן, פאליטישע עקספערטן וכדו' און מען וועלט אויס א וויצע פרעזידענט קאנדידאט).
דאס איז ווייט פונעם אמת, ערשטנס ווייל זי איז קיינמאל נישט דורכגעגאנגען דער געהעריגער "וועטינג פראסעס"; איר אויפצונעמען אלס מיטלויפער איז געווען א לעצט-מינוטיגע באשלוס פון דער מעקעין קאמפיין. צווייטנס, לויט ווי א ראטגעבער צום מעקעין קאמפיין איז שוין קלאר ארויסגעקומען און געזאגט אז די באשולדיגונגען זענען פאלשע.
פינפטנס: פעילין זאגט אז מעקעין ראטגעבער, איבערהויפט סטיוו שמידט, האבן איר געצווינגען זיך צו האלטן צו די פארגעשריבענע צעטלעך ביי אירע רעדעס.
אין פאקט איז די ראטגעבער פירמע "סטיוו שמידט ענד קא. –וועמען מעקעין האט אויפגענומען צו פירן זיין קאמפיין- כסדר געווען פארנומען צוריקצוהאלטן פעילין פון ליגנט זאגן פאר די אמעריקאנער וויילער, אנגעהויבן מיט די געשיכטע איבער דער "ברידזש טו נאו וועיר" און איבער איר מאנ'ס –טאד פעילין- פארבינדונגען אין אלאסקע מיט פארשידענע פארטייען. אין פאקט האט פעילין זיי געלאכט אין פנים און כסדר געזאגט אומפארגעשריבענע זאכן, וועלכע האבן עווענטועל שטארק געשאדט פאר מעקעין.
*
דאס איז וויפיל כהאב אנגעיאגט צו טרעפן פאר ביז ווען דער בוך וועט עווענטועל ארויסקומען מארגן דינסטאג. איין זאך קען איך זאגן, איך לעכצע דערנאך, ס'קומט גוטע טעג פאר אמעריקע, מען וועט האבן וואס צו לאכן.
דער קאנסערוואטיווער קאלומניסט, דעיוויד ברוקס, האט נעכטן זונטאג אין א אינטערוויו געזאגט אז אין זיינע אויגן איז פעילין "א וויץ".
"מיר האבן ערנסטע פראבלעמען אין לאנד, די עקאנאמיע איז אין דער ערד, די מלחמות גייען נישט בסדר און זי איז בלויז פארנומען מיטן פאררעכטן איר אימעדזש ביי די אמעריקאנער בירגער, איך קען איר נישט נעמען ערנסט, זי איז אין מיינע אויגן א וויץ, גארנישט מער"- האט ברוקס אויסגעפירט.
*
יעצט קומט א פרישע באריכט פון די "אסאשיעטעד פרעס" וועלכע האט אויך דורכגעפירט זייער אייגענע "פעקט טשעק", וואו זיי זענען נאכגעגאנגען צי די אינפארמאציע וואס פעילין געבט אין איר בוך איז אקוראט.
זי שרייבט אינעם בוך אז אלס גאווערנאר פון אלאסקע האט זי שטענדיג בלויז געזוכט ביליגע האטעלס ווען זי איז געפארן צו קאנפערענצן און אויף וואקאציעס, צוליב וואס זי האט נישט געוואלט עס זאל אפקאסטן פאר די אלאסקע שטייער צאלער גרויסע געלטער.
אין פאקט ווייזן די רעקארדס אז אין אקטאובער 2007 איז זי געקומען צו פארן קיין ניו יארק צו א קאנפערענץ פאר קאנסערוואטיווע פרויען מיט איר טאכטער, און איינגעשטאנען אין "עסעקס האוז" האטעל, וועלכע האט אפגעקאסט פאר אלאסקער שטייערצאלער א סך הכל פון 707.29 פער נאכט. בלויז אין יארע 2007 האט זי אריינגעגעבן רעסיטס פאר די שטאט -אז מען זאל איר דאס אפצאלן- פון 20 טויזנט דאלער ווערט פון טרעוול פאר אירע קינדער, וועמען זי האט מיטגענומען אפילו צו קאנפערענצן און צוזאמענקונפטן וואו אירע קינדער זענען נישט געווען געלאדענט.
זי שרייבט אינעם בוך אז ווען זי איז געלאפן פאר גאווערנאר אין אלאסקע האט זי בלויז באקומען געלטער פון קליינע ביישטייערער און איר קאמפיין האט צוריקגעוויזן עטליכע גרויסע טשעקלעך פון גרויסע ביישטייערער, צוליב וואס זי האט נישט געוואלט צוקומען צו האבן א "קאנפליקט אוו אינטערעסט" און זיין געצווינגען זיך צו ברעכן צוליב די גרויסע ביישטייערונגען
אין פאקט, ווייזן די רעקארדס אז פון די 1.3 מיליאן דאלער וואס זי האט אויפגעטריבן אין די פריימערי און פאר די וואלן אלס גאווערנאר, זענען רוב געווען פון ביישטייערער און פאליטישע "עקשאן קאמיטעען" וועלכע האבן אלע געגעבן פון 500 דאלער און העכער.
זי האט אויך גענומען טויזנט דאלער פון צוויי אלאסקע סטעיט סענאטארן, בלויז איין וואך נאכדעם וואס עף בי איי אגענטן האבן דורכגעפירט אן אבלאווע אויף די אפיסעס פון די צוויי פאליטישאנס צוליב קארופציע סקאנדאלן אין פארבינדונג מיט א מאכטפולע אלאסקע אויל גראבונג פירמע.
פעילין שרייבט אינעם בוך ווי שטארק זי איז געווען קעגן קארופציע אין רעגירונג, נאך זייענדיג א לאקאלע פאליטישאן אין אלאסקע. זי האקט אויף א געוויסן קאונסילמאן אין וואסילע, אלאסקע, וועלכער האט פארמאגט א "גארבעדזש טראק" פירמע און האט געשטופט אז מען זאל דורכפירן א געזעץ צו נעמען פרישע שטייערן פון יעדן איינוואוינער וועמען מען נעמט אים אוועק די גארבעדזש פון הויז.
אין פאקט, ווען פעילין איז געווען מעיאר פון וואסילע, אלאסקע, האט זי געשטופט די סטעיט לעגיסלאטורן זאלן דורכפירן א געוויסע ענדערונג אין די זאונינג געזעצן, אזוי אז זי זאל קענען פארקויפן איר 327,000 דאלארדיגן הויז. ווען מען האט איר קאנפראנטירט אז עס זענען פאראן אויפן לאט געוויסע פייער געזעצן פארלעצונגען, האט זי צוגעזאגט אז זי וועט עס פאררעכטן. עס איז נאך דערווייל ביזן היינטיגן טאג נישט פארראכטן געווארן.
זי און איר מאן טאד פעילין האבן פארמאגט א געשעפט צו פארקויפן שניי מאשינען, און אלס פאליטישאן האט זי פאראויסגעשטופט געזעצן גרינגער צו מאכן דאס גליטשן זיך אויף שניי און די פארשידענע שניי-פארמעסטן וועלכע קומען פאר אין אלאסקע, אזוי אז דער עולם זאל קויפן מער שניי גליטשערס.
אינעם בוך שרייבט זי ווי שטארק זי איז קעגן רעגירונגס געלטער און קעגן די סטימולוס פלענער. זי געבט אראפ אלאסקע אלס א סטעיט פאר אומאפהענגיקע, זעלבסטשטענדיג בירגער, וועלכע זוכן נישט יעדע זאך צו לויפן פאר הילף צו די פעדעראלע רעגירונג.
דער פאקט איז אבער אז די סטעיט אלאסקע איז פון די איינציגסטע סטעיטס וועלכע זענען דאס מערסטע אנגעוויזן אויף פעדעראלע סובסידיעס, און זיי באקומען הילף פון וואשינגטאן, פיל מער געלט ווי זיי צאלן שטייערן פאר וואשינגטאן. א אומפארטייאישע שטייערצאלער ריסוירטש גרופע האט אנטדעקט אז אין יארע 2005 האט אלאסקע באקומען פון די פעדעראלע רעגירונג 1.84$ פאר יעדן דאלער שטייער וואס זי האט געצאלט, דאס מיינט אז זי האט איבערגעלאזט די רעגירונג אין א דעפיציט פון איר זייט.
כ'האף אז דער בוך באשטייט פון גענוג בלעטער, ווייל לויט די ליגנטס וואס מען האט שוין אויפגעדעקט, האלט מען שוין ביי א היפשע ליסטע. עס מוז דאך "עפעס" אינעם בוך בלייבן וואר...
*
גיימער ווייטער מיטן אויפדעקן די ליגנטס וואס פולן איבער די בלעטער פונעם בוך פון סערע פעילין:
רעדנדיג פונעם בוך אין א אינטערוויו אנהייב די וואך, האט פעילין געזאגט אז ווען מען האט איר אנגעטראגן די פאזיציע פון וויצע פרעזידענט קאנדידאטקע, האט זי נישט דורכגעפירט א אפשטימונג מיט אירע קינדער צי זי זאל דאס אננעמען צי נישט.
דער פאקט איז אבער, און זי האט דאס קלאר געזאגט אין א אינטערוויו מיט שאן הענעטי אין יאר 2008, אז זי האט יא דורכגעפירט א אפשטימונג מיט איר פאמיליע.
זעט לינק
אינעם בוך זאגט זי אז די מעקעין געהילפן זענען געווען פאראנטווארטליך אויף די שפענדעריי פון 150 טויזנט דאלער פאר טייערע קליידונג.
דער פאקט איז אבער, אז דער מעקעין לאגער זאגט אז איר ווערסיע איז נישט אמת.
זעט לינק
אינעם בוך רעדט זי זיך אפ אז די מעקעין געהילפן האבן איר איינגעצוימט פון גיין צו מערערע קאמפיין אויפטריטן און איר נישט לאזן רעדן.
דער פאקט אז אבער אז זי האט אליינס מודה געווען אז איז דערין שולדיג און זי האט זיי אפילו באדאנקט פאר זייער שווערע ארבעט.
זעט לינק
אינעם בוך שרייבט פעילין אז זי האט הנאה געהאט פונעם געדאנק צו אויפטרעטן אויף "סעטורדעי נייט לייוו"- א שאו וואו מען האט פון איר געמאכט דאס מערסטע גענאר דורכאויס דעם 08' קאמפיין.
דער פאקט איז אבער, און ווי אימעילס ווייזן קלאר, האט זי דאס נישט געוואלט טון און זי האט זיך אקעגנגעשטעלט.
זעט לינק
פעילין זאגט אז די מעקעין קאמפיין האט כסדר איגנארירט אבאמא'ס נאנטע פארבינדונגען מיט "עיקארן".
דער פאקט איז אבער אז דזשאן מעקעין האט דאס כסדר אויפגעברענגט ביי מיטונגען און ביי קאנפערענץ קאלס.
זעט לינק
פעילין זאגט אז זי האט אויסגעפינען געציילטע מינוטן איידער מעקעין האט געגעבן זיין קאנצעסיע רעדע אז זי וועט נישט ערלויבט ווערן צו רעדן. דא
דער פאקט איז אבער אז מען האט איר דאס שוין געהאט געזאגט עטליכע מאל בעפאר.
זעט לינק
פעילין זאגט אז נאכדעם וואס זי איז אריינגעפאלן אין נעץ פון צוויי ראדיא לצים וועלכע האבן זיך אנגעגעבן אלס דער פראנצויזישער פרעזידענט, האט איר סטיוו שמידט אנגערופן און געמאכט קולי קולות אויף איר.
א מעקעין געהילף זאגט אז עס איז אזא טעלעפאון רוף פון שמידט קיינמאל נישט פארגעקומען.
זעט לינק
פעילין זאגט אז נאכדעם וואס זי האט געזאגט אז אבאמא איז באפריינדעט מיט טעראריסטן, איז ארויסגעגעבן געווארן א קלארע באריכט מיט באווייזן איבער די פארבינדונגען פון אבאמא מיט ביל עירס.
דער ארטיקל איז פאקטיש געקומען צו אן אויספיר אז די צוויי זענען נישט געווען אזוי נאנט בכלל.
זעט לינק
פעילין זאגט אז א דעמאקראטישער קאנגרעסמאן האט געזאגט אז נאכן דורכגעפאלענעם קאמפיין 08' איז פעילין געווארן ווייניגער "ספארקלי".
אין פאקט איז עס געווען א רעפובליקאנער.
זעט לינק
איינער זאל מיר דא אפשטעלן, נו...
No comments:
Post a Comment